ಹರುಷದ ಹೊನಲು

"ಸವಿಯಬೇಕಿದೆ ಹೊಸ ವರುಷದ ಈ ಕ್ಷಣವ 
ಎಣಿಸಬೇಕಿದೆ ಕಣ್ಣ  ಮರೆಯಾದ ಆ ದಿನವ 
ಕ್ಷಣದ ಸವಿಯು ದಿನದ ಖನಿಯು ನೀ 
ನನ್ನಯ ನಗುವ ಕಾರಣ ಎಂದೆಂದು ನೀ"

"ಕಳೆದ ದಿನಗಳು ನೀಡಿವೆ ಭರವಸೆಯ 
ಬರುವ  ಕ್ಷಣಗಳು ಹೇಳಿವೆ ಶುಭಾಷಯ 
ಬರಲಿ  ಒಲವಿನ ವಸಂತಕಾಲ 
ಹೋಗಲಿ  ಕವಿದಿಹ ಮಾಗಿಯಕಾಲ"

"ಕಾದು ಕುಳಿತ ಸಮಯಕೆ ದೊರೆವುದೆ ಮಾನ್ಯತೆ 
 ನೀನು ಕೊಡುವ ಉತ್ತರಕೆ ನಾನಗಿಹೆ  ಧನ್ಯತೆ 
ಇರುವೆಯಾ ಎನ್ನ ಬಾಳಿನಲಿ ನೀ ಅನುಕ್ಷಣವು 
ನಲಿವುದು ನನ್ನ ಜೀವವು ಆ ಪ್ರತಿದಿನವು" 



ಶ್ರೀನಿವಾಸ್