ಹೊಣೆಗಾರಿಕೆ

"ಸ್ನೇಹವೆಂಬ ಕುರುಡು ಕುದುರೆಯನ್ನೇರಿ 
ಮನಸ್ಸೆಂಬ ಮರಳುಗಾಡಿನಲ್ಲಿ ಪ್ರಯಾಣಿಸಿ 
ದಾರಿತಪ್ಪಿರುವೆನೆಂದು ಮರುಗಿದರೆ 
ಇದಕ್ಯಾರು ಹೊಣೆ?"

"ಭಾವನೆಗಳೆಂಬ  ಉತ್ತುಂಗ ಶಿಖರವ ನಿರ್ಮಿಸಿ 
ಇದು ಗಾಳಿಗೋಪುರವೆಂದು ಜರಿದು 
ಬಿರುಗಾಳಿಗೆ ಭಾವನೆಗಳೇ ಬಲಿಯಾಗಲು 
ಇದಕ್ಯಾರು ಹೊಣೆ?"

"ಬಲವಂತದಿಂದ ಪಡೆವುದು ಪ್ರೀತಿಯಲ್ಲ 
ಸ್ನೇಹವೆಂಬುದು ಕಡೆದುಕೊಳ್ಳುವ ಬಂಧವಲ್ಲ 
ಒಬ್ಬರನ್ನೊಬ್ಬರು ಅರಿತುಕೊಳ್ಳದೆ ಜರುಗುವ ಅಪಘಾತಗಳು 
ಇದಕ್ಯಾರು ಹೊಣೆ?"


ಶ್ರೀನಿವಾಸ್