ಪ್ರೀತಿಬಯಸಿ

ಎಲ್ಲೋ ನಾನಿದ್ದೆ 
ಎಲ್ಲಿಂದಲೋ ನೀ ಬಂದೆ 
ಸಂಧಿಸಿದ ಆ ದಿನ 
ಸುಂದರ ಸಮಾಗಮದ ಸುದಿನ  

ನೀವು ನುಡಿದ ಒಂದೊಂದು ಮಾತು 
ನನ್ನೆದೆಯ ಕಪ್ಪೆಚಿಪ್ಪಿನಲ್ಲಿ ಉದುಗಿಟ್ಟ ಸ್ವಾತಿಮುತ್ತು 
ಕಳೆದಿವೆ ಕ್ಷಣಗಳು ದಿನಗಳು ತಮ್ಮಷ್ಟಕ್ಕೆ ತಾವೇ 
ತುಂಬಿ ತುಳುಕಿದೆ ನನ್ನೆದೆಯ ತುಂಬಾ ಬರಿ ನೋವೆ 

ಅರಿವಿಗೆ ಬಾರದೆ ಒಮ್ಮಿದ  ಭಾವವ ತೋಡಿಕೊಂಡಿತು ಮನ 
ಕರಗಲಿಲ್ಲ, ಸ್ಪಂದಿಸಲ್ಲಿಲ್ಲ ನಿಮ್ಮ ಮನ ಆ ದಿನ 
ಏನು ಸಾಧಿಸಬಲ್ಲೆವು ಒಂದು ಹೃದಯವನು ಅರಿಯದೆ 
ನಿಮ್ಮ ಆ ಭಾವವ ಕಂಡು ಸುಮ್ಮನಾಗಿರುವೆ  ಏನನ್ನು ನುಡಿಯಲಾಗದೆ 

ಇಂದು ನೀವು ನನ್ನ ಮರೆತಿರಬಹುದು 
ಮುಂದೊಂದು ದಿನ ನೆನೆಯುವ ಕಾಲ ಬರಲುಬಹುದು 
ಆ ದಿನ, ಆ ಕ್ಷಣಕ್ಕಾಗಿ ಎದರು ನೋಡುತ್ತಿರುವೆ 
ನಿಮ್ಮ ಪ್ರೀತಿಯ ಬಯಸಿ ಕಾದು ಕುಳಿತಿರುವೆ 



ಶ್ರೀನಿವಾಸ್