ಪ್ರಳಯ

"ವಸುಧೆಯ ಅಸಮಾಧಾನ 
ವ್ಯಕ್ತವಾಗುವ ಪರಿಯೇ 
ಭೂಕಂಪನ, ಪ್ರವಾಹ 
ಲಾವಾರಸದ ಕಾರಂಜಿ" 

"ಮನುಜ ಕುಲದ  
ಅಹಂಮ್ಮಿನ ಅತಿರೇಕಕ್ಕೆ 
ಪ್ರಕೃತಿಮಾತೆಯ ಪ್ರತ್ಯುತ್ತರ 
ಪ್ರಳಯದ  ರೋದ್ರಾವಾತಾರ"

"ಅರಿಯಬೇಕಿದೆ ನಾವು  
ಪ್ರಕೃತಿಯ ಭಾವೊದ್ವೇಗವನು 
ನಾವು ಇಡುವ ಹೆಜ್ಜೆಯನು 
ಅರಿವಿನಿಂದಿಡಬೇಕು ಅನುಕ್ಷಣವು"



ಶ್ರೀನಿವಾಸ್ 

ಬಿಂಬ

"ಚುಕ್ಕಿಯನಿಟ್ಟು ಬಿಡಿಸಿದ ನಿನದೆ ಕಂಗಳಲಿ 
ಕಾಣುತಿಹುದು ನನ್ನದೇ ಪ್ರತಿಬಿಂಬ 
ಮೂಡಿಬಂದಿಹ ಚೆಲುವ ಮೈಮಾಟವ 
ದಾವಾಂತದಲಿ ತುಂಬಿಕೊಂಡಿಹೆ ಕಣ್ಣತುಂಬ"

"ಕಣ್ ಮುಚ್ಚಿ ಕಾದಿಹೆನು ನಿನ ಬಿಂಬವ  
ಜಾರಿಹೋಗುವೆ ಕಣ್ತೆರೆದರೆ ನೀನೆಂದು 
ಸುಳಿಯದು  ಕಾಡಿರುಳು ನಿನ ರೂಪವ 
ಕಳೆದುಕೊಳ್ಳಲಾರೆ ನಿನ್ನ ನಾನೆಂದು"

"ಜಾರಿಹೋಗುವೆಯಾದರೆ  ನನದೊಂದು ಬಿನ್ನಹ 
ಬತ್ತಿಹೋದ ಕಂಗಳಿಂದ ಬಾರದಾಗಿದೆ ಬಿಂಬ 
ಅಪರಿಪೂರ್ಣ ಈ ಜೀವನವು ನೀನಿರದ ವಿನಃ 
ತುಂಬಿಹೋಗಿದೆ ಈ ಹೃದಯದಲಿ ನಿನದೆ ಬಿಂಬ"


ಶ್ರೀನಿವಾಸ್