ಪ್ರಾಯಶ್ಚಿತ

"ಮಾರ್ದನಿಸಿವೆ  ಹೀನರ ನುಡಿಗಳು 
ಕಿವಿಯ ತಮಟೆಯೇ ಅರಿದೋಗುವಂತೆ 
ಕಂಪಿಸುತ್ತಿದೆ ಎದೆಯು ಒಂದೇಸಮನೆ 
ಗುಂಡಿಗೆಯೇ ಸಿಡಿದು ಛಿದ್ರವಾದಂತೆ"

"ನಿನ್ನೀ ಮೌನವೇ ಸರಿಯಾದ ಉತ್ತರ 
ನಾನ್ನೊಳಗಿನ ಬಿಡಿಸಲಾಗದ ಪ್ರಶ್ನೆಗಳಿಗೆ 
ದುಡುಕಿದ ಪಾಪಪ್ರಜ್ಞೆಯು ಕಾಡುತ್ತಿದೆ 
ನಿನ್ನ ಮುಂದಿಟ್ಟ ನನ್ನಯ ನುಡಿಗಳಿಗೆ"

"ಅನ್ಯತಾ ಭಾವಿಸದಿರು ನನ್ನ 
ನಿನ್ನಯ ಹಿತ ಕಾಯುವ ಕಾವಲುಗಾರ 
ನನ್ನದೊಂದೇ ತುಡಿತವು ಹಗಲಿರುಳು  
ಆಗಲು ದುಃಖ-ದುಮ್ಮಾನದಲಿ ಜೊತೆಗಾರ"

"ಮನ್ನಿಸು ಎನ್ನಲು ಮುಖವಿಲ್ಲ 
ಪಶ್ಚ್ಯಾತಾಪವೇ ಸರಿಯಾದ ಶಿಕ್ಷೆ 
ನಾ ನಿನ್ನಲಿ ಬೇಡುವುದೊಂದೇ 
ನೋವಿನಲಿ ಪಾಲುಗಾರಿಕೆಯ ಭಿಕ್ಷೆ"




ಶ್ರೀನಿವಾಸ್